Shumë nga minoritarët grekë që jetojnë në Shqipëri do t’i marrin sërish pensionet nga Greqia.
Qeveria e Athinës vendosi të korrigjojë ligjin për pensionet, që jepeshin nga Instituti i sigurimeve, OGA.
Nga ky Institut Sigurimesh përfitonin rreth 40 000 të moshuar, të cilët me ligjin e ri, që nga viti 2012 nuk e marrin më pensionin prej 360 eurosh. Nga këta, 17 000 janë minoritarë grekë të Shqipërisë dhe pjesa tjetër, të riatdhesuar nga Rusia.
Nga heqja e pensioneve për 40 000 persona, vetëm në vitin 2013 u përfitua një tepricë prej 230 milionë eurosh.
Ministria greke e Punës ka lehtësuar kriteret për dhënien e pensioneve. Ato do të merren nga të moshuarit mbi 67 vjeç dhe ndër të tjera ka zbritur në 10 vjet, kohën e nevojshme të qëndrimit në Greqi. Me lehtësimin e kritereve përfitojnë më shumë se gjysma e personave, rreth 22 000 vetë, por nuk bëhet e ditur shifra e saktë e minoritarëve grekë të Shqipërisë, të cilëve do t'iu rikthehet pensioni.
Për të kufizuar shpenzimet, pensionet do të jepen gradualisht dhe do të kompensohet shuma e parave që përfituesi mund të marrë nga vendi i tij. Kështu, pensioni do të kapë shifrën deri në 214 euro këtë vit, 288 euro në vitet 2015-2016, për të arritur deri në 360 euro. Nëse përfituesi merr një pension, 55 € nga Shqipëria, shuma do t’i zbritet nga pensioni i OGA .
Kjo lëvizje vjen edhe pas vizitës së presidentit grek Karolos Papulias në Shqipëri, ku ai u njoh me problemet ekonomike të minoritarëve.
Sipas udhëzimeve të OGA, deri në fund të shkurtit të moshuarit duhet të kenë mbyllur librezat e tyre të shëndetit.
Home
»
»Unlabelled
» Greqia kthen pensionet. Nga shuma do zbritet pensioni i Shqipërisë
Subscribe to:
Post Comments (Atom)
0 comments:
Post a Comment