Vlorë, sekuestrohet 1 ton lëndë narkotike, 5 në pranga

VLORË- Një operacion i Drejtorisë së Kufirit dhe Migracionit në Vlorë ka mundur të sekuestrojë sot një ton lëndë narkotike në ‘Shën Vasil’, ndërsa ende nuk bëhet e ditur lloji i lëndës narkotike. 

Policia e Vlorës, dyshon se lënda narkotike mund të jetë kanabis sativa. 

Blutë e Vlorës ndërkaq kanë vënë në pranga edhe 5 persona, të cilët posedonin lëndën narkotike. Të arrestuar janë P.Caushi, L.Gjika, V.Bodoj D.Bodoj dhe G.Halili. 

Droga është gjetur në një furgon, ndërsa vijon operacioni i policisë.